WhatsApp Web və Desktop-a 2 faktorlu təsdiqləmə funksiyası gəlir

WhatsApp Web və Desktop-a 2 faktorlu təsdiqləmə funksiyası gəlir

        Ən çox istifadə edilən mesajlaşma tətbiqi olan WhatsApp-ın WebDesktop versiyalarına yeni funksiya gəlir. Mobil versiyada istifadə edilən və təhlükəsizliyi təmin edən 2 faktorlu təsdiqləmə artıq Web və Desktop versiyalarda da istifadə edilə biləcək.

        2 faktorlu təsdiqləmə metodu artıq bütün platformalarda və tətbiqlərdə istifadə edilir. Təhlükəsizliyi təmin etmək üçün ən ideal metodlardan hesab edilən bu funksiya WhatsApp-ın mobil versiyasında uzun müddətdir var. Lakin WBBetaInfo tərəfindən paylaşılan məlumatlara görə şirkət bu funksiyanı WhatsApp-ın Web və Desktop versiyalarına da əlavə edəcək. Həmçinin istifadəçilər bu funksiyanı aktivləşdirə və ya deaktiv edə biləcək.           

    Bundan başqa şirkət Multi-Device funksiyasını da təkmilləşdirməyi planlayır. Bu funksiya hesabına istifadəçilər smartfona ehtiyyac olmadan WhatsApp-ı komputerlərində istifadə edə biləcəklər. Bir digər yenilik isə səsli zənglər üçün olacaq. Hal-hazırda iOS versiyada olan səsli zənglər üçün xüsusi arxaplan şəkli qoymaq mümkündür. Bu funksiya artıq bütün platformalar üçün tətbiq ediləcək. Qeyd edək ki, bu funksiyalar tam olaraq nə vaxt istifadəyə veriləcəyi hələki bilinmir.

Şərhlər

Digər xəbərlər