WhatsApp tətbiqi iPad-lərə gələ bilər

    Ən çox istifadə edilən messencerlərdən biri olan WhatsApp artıq komputerlərdə də istifadə edilə bilir. Son zamanlarda Meta şirkətinin etdiyi yeniliklər istifadəçiləri sevindirir. Lakin WhatsApp tətbiqinin iPad versiyasının olmaması bəzi istifadəçiləri narahat edirdi.

    The Verge ilə reportaj edən Will Cathcart bildirib ki, WhatsApp-ın iPad üçün olan versiyasını hazırlamaq istəyirlər. Qeyd edək ki, Will Cathcart Meta şirkətində WhatsApp CEO-su olaraq işləyir.Catchart reportaj zamanı tətbiqin hazırlanma mərhələsi ilə bağlı heç bir məlumat paylaşmayıb. Lakin istifadəçilərin iPad üçün WhatsApp istəklərini bildiyini və bunu reallaşdırmaq istədiklərini bildirib. Həmçinin Catchart bildirib ki, WhatsApp-ın multi device funksiyası bu addım üçün önəmli bir funksiyadır. Qeyd edək ki, Instagram tətbiqinin da iPad versiyası yoxdur. İstifadəçilər bundan da şikayət edirlər. Lakin Instagram tərtibatçıları iPad üçün Instagram tətbiqinin hazırlanmayacağını bildirmişdi. Görünən odur ki, WhatsApp komandası iPad-lər üçün tətbiq hazırlamağa daha yaxşı baxırlar.

    Daha əvvəl də yazdığımız kimi 2022-ci il üçün WhatsApp-a bir çox yeniliklər əlavə ediləcək. Bunlardan bəziləri tərtibatçılar tərəfindən artıq hazırlanır.