WhatsApp üçün yaxın zamanlarda səsli mesajlara yeni funksiyalar əlavə ediləcək. Beləliklə istifadəçilər səsli mesajları dayandıra biləcək, həmçinin çatdan çıxsa belə səsli mesajları dinləmək mümkün olacaq.

 Bu günə qədər istifadəçilərin tələbləri səbəbilə bir çox yeni funksiya gətirən, mövcud funksiyalarını təkmilləşdirən WhatsApp indi də səsli mesajlar üçün dəyişikliklər edəcək. Hər gün on milyardla mesajın göndərildiyi platformada səsli mesajlar gün ərzində 7 milyard yer tutur. Bu da ciddi rəqəmlərdir. Yeniliklərdən biri budur ki, artıq istifadəçilər səsli mesajları WhatsApp-dan çıxsalar belə dinləyə biləcəklər. Səsli mesajları dinləyərək başqa tətbiqləri istifadə etmək mümkün olacaq. Həmçinin bundan sonra səsli mesaj dinləyərkən onu dayandırıb başqa tətbiqlər istifadə etdikdən sonra təkrar dinləməyə davam edə biləcəksiniz. Bunu səsli mesajları göndərərkən də etmək mümkün olacaq. Son yenilik isə səsli mesajı göndərməzdən əvvəl istifadəçi özü də 2x sürətində öz səsli mesajını dinləyə biləcək. Qeyd edək ki, bəhs etdiyimiz yeniliklər hal-hazırda Telegram platformunda da var və istifadəçilər tərəfindən bir xeyli bəyənilir. Bu il ərzində Meta-ya məxsus bütün sosial media tətbiqləri üçün ciddi yeniliklərin gəlməsi planlanır.