WhatsApp İcmaları funksiyası ilə istifadəçilər müəyyən bir mövzuda idarə etdikləri qrupları vahid İcma altında toplayıb mesaj göndərə bilərlər. Qruplar, eləcə də şəxsi söhbətlər yaratmaq qabiliyyətinə malik böyük icmalar toplusuna çevrilən WhatsApp, daha sadə kommunikasiya qurmaq üçün İcmalar xüsusiyyətini elan etdi.

 WhatsApp İcmaları olaraq elan edilən yeni funksiya qrupları müəyyən mövzular altında bir araya gətirməyi hədəfləyir. İstifadəçi mövzunu müəyyən etdikdən sonra İcma yaradır və qrupları bir araya gətirir. İcma menecerləri qrupları öz daxilində idarə edə bilsələr də, mesajlar eyni anda bütün qruplara göndərilə bilər. İcma daxilindəki söhbətlər ucdan-uca şifrələmə ilə qorunsa da, digər proqramlardan fərqli olaraq, WhatsApp yeni İcma kəşf etmə funksiyasını əlavə etməyib.

 Bundan əlavə, mesajların yönləndirilməsi bir anda 5 qrupdan 1 qrupa endirilib. Beləliklə, informasiya çirklənməsinin qarşısının alınması məqsədi daşıyır. Bütün icma, eləcə də qaydaları pozan istifadəçilər və idarəçilər bloklana bilər. Həmçinin, qrup halında mesajlara emoji reaksiya vermə qabiliyyəti, idarəçilərin qrupdakı mesajları hər kəsdən silə bilməsi, 2 GB-a qədər fayl paylaşımı və bir kliklə səsli zəng funksiyasının 32 nəfərə artırılması kimi xüsusiyyətlər var. Hələlik WhatsApp məhdud qrupla başladığı yenilikləri tədricən bütün istifadəçilərə genişləndirəcək.