“WhatsApp”-a anket funksiyası gəlir

WhatsApp-ın yeni beta versiyasında maraqla gözlənilən yeni funksiya ortaya çıxıb. Məşhur mesajlaşma proqramı qrup çatlarında sorğular yaratmağa imkan verəcək.

Məşhur mesajlaşma proqramı WhatsApp-a yeni funksiyalar əlavə olunmağa davam edir. Tezliklə istifadəçilər qrup çatlarında sorğular yarada biləcəklər. WABetaInfo saytı mövzu ilə bağlı bəzi vacib məlumatlar paylaşıb. WhatsApp tərtibatçıları söhbət qruplarında səs verməyə imkan yaratmağı planlaşdırır. Sorğu sualına 12-yə qədər cavab variantı əlavə edilə bilər. Yeni funksiya iOS tətbiqinin 2.22.8.72 beta versiyasında aşkarlanıb. Qrup çatlarında sorğu yaratmaq imkanının bütün WhatsApp istifadəçiləri üçün nə vaxt əlçatan olacağı hələlik məlum deyil. Bu arada unutmayaq ki, sözügedən funksiya artıq WhatsApp-ın əsas rəqibi Telegram-da mövcuddur.