WeChat, NFT satıcılarının hesablarını bloklayıb

WeChat, NFT satıcılarının hesablarını bloklayıb

 Çinin WhatsApp-ı hesab edilən WeChat, NFT satıcılarının hesablarını bloklayıb. Saxta kripto satışları nəzarətdə saxlamaq üçün belə bir addım atdığını bildirən platforma yüzlərlə hesaba qadağa gətirib.

 WeChat platforması Çinin WhatsApp-ı hesab olunur. Lakin WhatsApp-a nəzərən bir çox funksiyası olan bu platforma satış məqsədilə də istifadə olunur. NFT satıcılarının saxtakarlığının qarşısını almaq üçün WeChat bu hesabları bloklamağa başlayıb. Hesabların sahibi öz profillərinə girmək istədikdə belə bir bildiriş ilə qarşılaşıblar: “Bu cür işləri yayımlamaq,satışını etmək və ya məşğul olmaq üçün rəsmi lisenziya və ya icazə lazımdır.” Sosial mediada yayımlanan bu xəbərlərdən sonra platformanın rəsmilərindən açıqlama verilib. Onlar bildirib ki, WeChat üzərində bu cür satışlar etmək və rəsmi şirkət hesabı yaratmaq sadəcə icazəli şirkətlərə məxsusdur. İcazəli şirkətlər siyahısına qatılmaq üçün isə Çin Kiber Kosmos idarəsində qeydiyyatdan keçməli və təkrar satışlara icazə verməməlidirlər. Kripto fəaliyyətlərin qadağan olunduğu Çində hələki NFT-lər üçün bir qadağa yoxdur. Bu səbəbdən istifadəçilər tərəfindən NFT bazarına marağ çox böyükdür.

 

Şərhlər