Ukraynada yeni və zərərli virus proqramı aşkarlanıb: CaddyWiper

Ukraynada yeni və zərərli virus proqramı aşkarlanıb: CaddyWiper

 ESET tərəfindən verilən məlumata görə Ukraynada yeni və zərərli proqram olan CaddyWiper aşkarlanıb. Qeyd edək ki, bu yaxın zamanda Ukraynada aşkarlanan artıq üçüncü zərərli virus proqramıdır.

 Hər ötən gün Ukraynadakı kiber hücumların sayı artır. Məşhur təhlükəsizlik və antivirus şirkəti olan ESET öz Twitter hesabından bildirib ki, CaddyWiper adlı yeni və zərərli proqram təminatı aşkarlanıb. Bu virus təhlükəsizliyi zəif olan cihazların daxili yaddaşlarından bütün məlumatları silə bilir. Bu proqram bəzi dövlət qurumlarında və sistemlərdə kəşf edilib. Digər tərəfdən bildirib ki, bu virus digər təhlükəli viruslarla kod bənzərliyi daşımır. Yəni onlar qədər təhlükəli deyil. ESET şirkətinin rəhbərlərindən biri olan Jean-Ian Boutin bildirib ki, “yeni virus proqramı təhlükəlidir və sistemlərə yoluxduqda bütün məlumatları silə bilir. Lakin sistemin özünə nə dərəcədə təsir etdiyi hələki bilinmir.”

 ESET şirkəti bundan daha əvvəl 23 Fevral tarixində HermeticWiper, 24 Fevral tarixində isə İsaacWiper adlı yeni virus proqramları da kəşf etmişdi. CaddyWiper-da olduğu kimi bu virus proqramları da Ukraynada aşkarlanıb və müxtəlif risk dərəcələrinə malikdir. 

Şərhlər

Digər xəbərlər