Twitter simvol limiti olmadan Tweet yazmağa icazə verə bilər

Twitter simvol limiti olmadan Tweet yazmağa icazə verə bilər

    Paylaşılan məlumatlara görə Twitter simvol limiti olmadan Tweet yazmağa imkan verən Twitter Articles funksiyası üzərində işləyir. Beləliklə istifadəçilər 280 simvol limiti olmadan daha uzun Tweet-lər yaza bilər.

    Twitter sosial media platformu əvvəllər istifadəçilərə sadəcə 140 simvol limiti tətbiq edirdi. Bu səbəbdən istifadəçilər çox qısa yazmağa məcbur olurdu. Şikayətlərdən sonra bu platforma simvol limitini 280-ə çıxardı. Bu limit artımı da 2017-də baş vermişdi. İndi isə Jane Manchun Wong tərəfindən paylaşılan məlumata görə Twitter yeni bir funksiya üzərində işləyir. Qeyd edək ki, Jane Manchun Wong tərs mühəndislik edərək Twitter-in gizli funksiyalarını tapmaqla məşhurdur. Twitter Articles adı verilən funksiya ilə istifadəçilər simvol limiti olmadan paylaşımlar edə bilərlər. Hal-hazırda mövcud limit ilə istifadəçilər ya ard-arda sıralı postlar paylaşmalı, ya da postun şəklini paylaşmalı olurlar. Yeni funksiyanın nə vaxt istifadəyə veriləcəyi hələki bilinmir. Hətta bu funksiya test üçün belə istifadəçilərə açılmayıb. Lakin şirkət rəsmilərindən birinin verdiyi məlumata görə yaxın zamanlarda bu funksiya haqqında ətraflı məlumat paylaşılacaq.


Şərhlər

Digər xəbərlər