TikTok Youtube-la rəqabət üçün video limitini 10 dəqiqə etdi. Ən çox istifadə edilən sosial media olmaq yolunda irəliləyən TikTok fərqli optimizasiyalar ilə istifadəçilərin qarşılıqlı əlaqəsini artırmağı planlayır. Daha əvvəl 3 dəqiqəyə qaldıralan videoların limiti indi 10 dəqiqə oldu.
İstifadəçiləri müxtəlif musiqi və effektlərlə təmin edən TikTok tətbiqi ilk zamanlarda sadəcə 60 saniyə uzunluğunda videolar yükləməyə icazə verirdi. Bu limit sonralar 3 dəqiqəyə qaldırıldı. İndi isə şirkətin verdiyi qərarla artıq istifadəçiləri 10 dəqiqə uzunluğunda videolar yükləyə biləcəklər. TikTok-un bu həmləsi Youtube-un Shorts adlı funksiyasına qarşı bir addım hesab edilir. Beləliklə 10 dəqiqə video limiti istifadəçilərin daha kreativ video çəkməkləri üçün şans yaradacaq. Qeyd edək ki, hal-hazırda ən çox istifadə edilən sosial media tətbiqlərindən biri TikTok-dur. Çinə aid olan bu şirkət zaman-zaman bəzi skandal xəbərlərlə gündəmə düşür. İstifadəçilərdən topladığı məlumatların çox olması ilə tənqid edilən sosial medianın kütləsi bunları önəmsəmədən istifadə etməyə davam edir.
