- 2913
"TelSat MMC" Rəqəmsal İnkişaf və Nəqliyyat Nazirliyi tərəfindən rəsmi lizensiya əldə etdi!
Sizlərə qürurla bildiririk ki, şirkətimiz "TelSat MMC" Azərbaycan Respublikasının Rəqəmsal İnkişaf və Nəqliyyat Nazirliyi tərəfindən rəsmi lizensiya əldə etdi! Bu lisenziya vasitəsilə TelSat MMC olaraq saytımızı istifadə edən bütün istifadəçilərin fərdi məlumatlarının qorunması bizim tərəfimizdən təmin edilə bilər. Beləliklə istifadəçilərimiz fərdi məlumatları haqqında narahatlıq hiss etmədən bizə güvənə biləcəklər.
Azərbaycan Respublikasının Prezidenti İlham Əliyev tərəfindən 2010-cu ildə təsdiqlənən "Fərdi Məlumatlar Haqqında" qanunun 9.14-cü maddəsinə əsasən Fərdi məlumatların informasiya ehtiyatlarının formalaşdırılması və informasiya sistemlərinin yaradılması, onlara xidmətlərin göstərilməsi yalnız Azərbaycan Respublikasının qanunvericiliyinə uyğun olaraq xüsusi razılıq (lisenziya) əsasında həyata keçirilir. Müvafiq orqan (Rəqəmsal inkişaf və Nəqliyyat Nazirliyi) fərdi informasiya sistemlərinin dövlət qeydiyyatına üçün ilk öncə fərdi informasiya sistemlərinin yaradılması və formalaşdırılması ilə bağlı xüsusi icazə (lisenziya) alınmalı olduğunu bildirmişdir. Qeyd edək ki, "TelSat MMC" Azərbaycanda bu lisenziyanı əldə edə bilmiş azsaylı şirkətlərdən biridir. Bizə göstərdiyiniz dəstək və diqqətə görə bu uğurumuzu sizinlə paylaşmaq istədik! Bizi izləməyə davam edin.