Süni İntellekt 6 saat ərzində 40 min kimyəvi maddə hazırlayıb

 Xəstəliklərə dərman hazırlamaq üçün nəzərdə tutulan Süni İntellekt 6 saat ərzində 40 min kimyəvi maddə hazırlayıb. Süni İntellektin çox məqsədli istifadəsi insanlara göstərilib.

 Yaxşı məqsədlər üçün hazırlanmış olsa da texnologiya yanlış əllərdə çox güclü silahlara çevrilə bilir. Bunu göstərmək məqsədilə araşdırmacılar dərman hazırlamaq üçün nəzərdə tutulan Süni İntellektə 6 saat ərzində 40 min kimyəvi maddə hazırlada bilib. Bu maddələr kimyəvi silahlar hazırlamaq üçün istifadə edilə bilər. Collaborations Pharmaceuticals alimləri yeni texnologiyaların potensial zərərli tərəflərini göstərmək üçün konfrans keçiriblər. Onlar bu konfransda bir müddətdir xəstəliklər üçün dərman istehsalında istifadə etdikləri Süni İntellektə etdikləri dəyişikliklərdən bəhs ediblər. Araşdırmacılar konfransda bildiriblər ki, Süni İntellektə tətbiq edilən dəyişikliklər nəticəsində o sadəcə 6 saat ərzində bir çoxu son dərəcə zəhərli olan 40 min fərqli kimyəvi maddə hazırlayıb. Onlar bildiriblər ki, Süni İntellektlər növbəti illərdən Tibb sektorunda çox ciddi yer tutacaq və bu da müsbət nəticələr göstərəcək. Lakin süni zəkanın təhlükəli tərəflərinin də nəzərdən qaçmaması haqqında xəbərdarlıq ediblər. Hal-hazırda Süni İntellektlər bir çox sahədə aktiv şəkildə istifadə edilir. Bunun əsas hissəsi elmi texnologiyaların payına düşsə də artıq digər iş sahələri də bunun önəmini almağa başlayıb.