Starlink-in tətbiqi Ukraynada “ən çox yüklənilən tətbiq” oldu

Rusiya-Ukrayna müharibəsi səbəbilə Elon Musk bildirmişdi ki, kəsilən internet şəbəkəsi üçün Starlink peykləri aktivləşdirələcək. Beləliklə istifadəçilər Ukrayna ərazisinda kəsintisiz internetə girə biləcəklər.

Sensor Tower tərəfindən verilən məlumata görə Ukraynada Starlink peyk internetinin aktivləşdirilməsindən sonra Starlink tətbiqinin yüklənmə sayı 21 mini keçib. Bu yüklənmə sayının əsas hissəsi isə Ukraynanın payına düşür. Startlink tətbiqi cihazların peyk internetinə qoşulması üçün tələb olunan tətbiqdir. Həmçinin Ukrayna rəsmilərinin tələbi ilə Elon Musk Ukrayna üçün peyk internetinin daha çox istifadə edilə bilməsini təmin etmək məqsədilə bir xeyli terminal göndərib. Həmçinin Sensor Tower bildirib ki, Apple-a məxsus App Store mağazasında Starlink tətbiqi Bazar gününün ən çox yüklənən tətbiqi olub. Bu xəbərlər səbəbilə Starlink-in bazar dəyəri və insanların nəzdindəki önəmi bir xeyli artıb.