Elon Musk Ukrayna üçün Starlink peyk internetinin aktivləşdirildiyini bildirib

 Rusiya tərəfindən işğal edilən Ukrayna üçün Starlink peyk interneti aktivləşdirilib. Bu haqda Elon Musk Twitter-də məlumat verib. Ukrayna Rəqəmsallaşma Nazirinin istəyi SpaceX tərəfindən dəyərləndirilib.

 Rusiya ilə müharibədə olan Ukraynanın Rəqəmsallaşma Naziri Mykhalio Fedorov Twitter üzərindən Elon Musk-a müraciət etmişdi. Bu müraciətdə nazir bildirmişdi ki, Ukraynada internet problemləri var. Bu səbəbdən internetin rahat istifadə edilməsi üçün Starlink peyk internet servisinin aktivləşdirilməyinə ehtiyyac yaranıb. SpaceX CEO-su Elon Musk da bu müraciətə cavab olaraq bildirmişdi ki, Starlink bu təklifi dəyərləndirib və Ukrayna üçün peyk internet servisi artıq aktivləşdirilib. Həmçinin internet xidməti üçün daha çox terminal göndərilib. Lakin bunların sayı, nə qədər insanın istifadə edə biləcəyi hələki bilinmir. Rusiyanın keçirdiyi əməliyyatlar səbəbilə Ukraynanın bir çox bölgəsində ciddi internet problemləri yaranmışdı. İndi isə bu problemlərin qismən düzəlməsi gözlənilir.

 Mkyhalio Fedorov öz paylaşımında bunları yazmışdı:

“Siz Marsı koloniyalaşdırmağa çalışarkən Rusiya Ukraynanı işğal etməyə çalışır! Raketləriniz kosmosdan planetimizə uğurlu bir şəkildə enərkən Rus raketləri Ukraynalı sivil xalqın üzərinə enir! Sizdən Starlink-i Ukraynada aktivləşdirməyinizi istəyirik və ağlı başında olan Rusları ayağa qaldırmağınızı tələb edirik!”