SpaceX şirkəti peyk internet servisi olan Starlink üçün yeni Premium paketini təqdim edib. Premium paket Standart paketə görə 5 dəfə daha bahadır. Starlink-in Premium paketi üçün istifadə kitləri növbəti aylarda təqdim ediləcək.

    Elon Musk-a aid olan SpaceX şirkəti peyk internet servisi Starlink-i təqdim etmişdi. Bu təqdimatdan sonra bir çox insan bu servisi həyəcanla gözləyirdi. Lakin Starlink-in təklif etdiyi internet paketləri gözləniləndən daha baha oldu. Bu gün təqdim olunan Premium paket isə Standart paketdən 5 dəfə daha bahadır. Yeni paketi istifadə etmək üçün hazırlanan Starlink kitləri əvvəlkindən daha fərqlidir. Daha böyük və dördkünc antenaya malik yeni kit Starlink-in dediyinə görə daha yüksək internet sürəti, daha az gecikmə vəd edir. Həmçinin hava maneələrindən də təsirlənmir. Starlink Premium paketin istifadəçilərə təklif etdiyi internet sürəti isə 150-500 mbps aralığında dəyişir. Gecikmə dəyəri isə 20-40 ms arası olacaq.

    Standart paketin qiyməti 499 dollar olduğu halda Premium paketin qiyməti 2500 dollardır. Yeni kit və paketi almaq üçün istifadəçilər əvvəlcə 500 dollar depozit verməlidirlər. Bu qiymət standart paketdə 100 dollar idi. Premium paketin aylıq ödənişi isə 500 dollardır. Starlink qeyd edib ki, 2022-in 2.rübündə artıq önsifarişlər açılacaq. Qeyd edək ki, qiymətlərin bu qədər yüksək olması bir çox istifadəçinin narazıçılığına səbəb olub. Beləki qiymətlərin yüksək olması daha az istifadəçinin faydalana biləcəyi deməkdir. Həmçinin şirkətin yüksək qiymətlərə nəzərən təklif etdiyi internet sürəti də yetərli hesab edilməyib.