Strategy Analytics tərəfindən bildirib ki, görüntü sensoru bazarında Sony 45%-lik bazar payına çatıb. Yapon texnologiya şirkəti bu bazarın demək olar ki, yarsını əlində tutur.
Strategy Analytics smartfonlarda istifadə edilən görüntü sensorları üçün statistika yayımlayıb. Bu nəhəng sənayedə yüksək keyfiyyətli sensorlara və çox modullu kameralara tələbin yüksək olması diqqət çəkici hesab olunur.2021-də maliyyə olaraq 15.1 milyard dollara çatan bu bazar ötən ilə nəzərən 3% böyüyüb. Sony isə bu görüntü sensoru bazarında liderliyə yerləşib. Sony-dən sonra ikinci yerdə 26% bazar payı ilə Samsung yerləşib. Üçüncü yerin sahibi isə 11% ilə Omnivision şirkətidir. İlk üç tədarükçü görüntü sensoru bazarının 82-83%-ni əlində tutur. Geriyə qalan 17% isə digər kiçik şirkətlərin payına düşür. Analitiklər bildirir ki, yüksək keyfiyyətli görüntü sensorları bu bazarın ən çox tələb görən məhsulları olacaq.
Qeyd edək ki, son illərdə smartfon istehsalının artması markaların daha çox kamera və görüntü sensorları tələb etməyinə yol açıb. Hal-hazırki alıcı kütləsi smartfonları xüsusilə kameralarına görə alırlar. Bu səbəbdən smartfon markaları da görüntü sensorlarına böyük yatırımlar edir. Həmçinin kamera texnologiyalarının inkişafı və onun hər sahədə istifadə edilməsi yuxarıda sadaladığımız şirkətlərin daha çox satış etməyinə imkan yaradır. Bu səbəblə həm bazarın özü, həm dövriyyəsi, həm də markaların bazar payı yüksəlişdədir.
