Samsung-un yeni uyğun qiymətli qulaqlığı Galaxy Buds Core olacaq?

Samsung, uyğun qiymətli simsiz qulaqlıqlar seqmentində yeni model üzərində işləyir. Məlumatlara əsasən, bu yeni model Galaxy Buds Core adlandırıla bilər və o, daha əvvəl bazarda uğur qazanan Galaxy Buds FE modelinin varisi kimi təqdim olunur.

Qeyd edək ki, Galaxy Buds FE modelinin satışa çıxmasından artıq 18 ay keçir və son sızıntılar Samsung-un yeni büdcə dostu qulaqlıq üzərində işlədiyini göstərir. Lakin bu dəfə şirkət modelin adında dəyişiklik edə bilər. Galaxy Buds FE 2 adı əvəzinə, Galaxy Buds Core kimi təqdim ediləcəyi ehtimal olunur. Bu məlumat X sosial şəbəkəsində @DalgieshGX istifadəçisi tərəfindən aşkar edilən FCC sənədi ilə dəstəklənir.

Galaxy Buds Core tamamilə yeni bir model ola bilər

Hazırda məlum deyil ki, Galaxy Buds Core sadəcə Buds FE 2-nin yenidən brendlənmiş versiyasıdır, yoxsa tamamilə fərqli və yeni bir cihazdır. Lakin diqqət çəkən məqamlardan biri budur ki, bu modelin yalnız 12 ölkə üçün patentləşdirildiyi bildirilir. Bu isə o deməkdir ki, Galaxy Buds Core yalnız müəyyən bazarlarda satışa çıxarıla bilər və qlobal satış gözlənilmir.

Bu 12 ölkənin sırasında ABŞ, Kanada və əksər Avropa ölkələri yer almır. Sıralanan ölkələr bunlardır: Braziliya, İndoneziya, İsrail, Hindistan, Meksika, Malayziya, Filippin, Tayland, Türkiyə, Misir və Rusiya.

Daha ucuz, daha sadə – lakin yenə də keyfiyyətli

"Core" adı onu göstərir ki, bu modeldə əsas funksiyalar ön plandadır və qiyməti aşağı tutmaq üçün aktiv səs-küyün azaldılması (ANC) kimi bəzi funksiyalar ixtisar edilə bilər. Hələlik bu sadəcə fərziyyədir, lakin cihaz artıq Hindistanda BIS sertifikatı alıb, bu da yaxın zamanda rəsmi təqdimatın ola biləcəyini göstərir.

Texnologiyadan xəbərdar olmaq üçün Telsat Xəbərləri izləməyi unutmayın.