Samsung təsdiqlədi: Galaxy Note seriyası ləğv olunur

 Samsung nəhayət ki, Galaxy Note seriyasının ləğv olunduğunu rəsmi olaraq təsdiqlədi. Unpacked tədbirində Galaxy S22 Ultra ilə S və Note seriyasını birləşdirən şirkət suallara cavab verib.

 Samsung şirkətinin uzun müddətdir ki, Note seriyasını ləğv edib Galaxy S seriyası ilə birləşdirəcəyi bəhs edilirdi. Unpacked tədbirində Galaxy S22 Ultra smartfonunu S-Pen qələm dəstəyi ilə təqdim edən şirkət bu sualları qismən cavablamış olmuşdu. Lakin hələ də bəzi istifadəçilər ümid edirdi ki, Galaxy Note seriyasının davam modeli gələcək. Bu gün Samsung Electronics Mobile CEO-su TM Roh məlumat verib ki, artıq Galaxy Note seriyası olmayacaq. Şirkət yola Galaxy S və Galaxy Note seriyalarını birləşdirərək davam edəcək. Bu da onu göstərir ki, Galaxy Note 20 və Note 20 Ultra smartfonları bu seriyanın son modelləri olacaq. Beləliklə şirkət hibrid flaqman smartfonlar ilə yola davam edəcək.

 İddialara görə isə şirkətin bunu etməkdə əsas məqsədi qatlana bilən Galaxy Z seriyası smartfonlara fokuslanmaq istəməsidir. Həmçinin Samsung-un yeni smartfon seriyaları da təqdim edəcəyi düşünülür. Galaxy S və Note seriyasının birləşdirilməsi əslində çox ciddi bir hadisə deyil. Galaxy S seriyasında olan Ultra modellər artıq Note seriyasındakı modellərin funksiyalarını əldə edəcəklər.