Samsung smartfonlarından Z hərfini Rusiyaya görə yığışdırır

 Samsung bəzi ölkələrdə Galaxy Flip və Galaxy Fold modellərindən Z hərfini yığışdırır. Ad dəyişikliyinin əsas səbəbi Rus ordusunun tanklarında Z hərfinin istifadə edilməsidir.

 Samsung şirkəti bəzi modellərin adlandırılmasında Z hərfini istifadə edir. Bunlar Galaxy Z Flip və Galaxy Z Fold modelləridir. Lakin şirkətin ani verdiyi bir qərarla Z hərfi bəzi Avropa ölkələrində bu modellərindən yığışdırılır. Latviya, Estoniya və Letonya kimi ölkələrdə Samsung-un rəsmi saytında bu modellər artıq Z hərfi olmadan göstərilir. Yəni Galaxy Flip və Galaxy Fold olaraq görünür. İddia olunur ki, Samsung-un bunu etməsinin ən böyük səbəbi Rusiya-Ukrayna müharibəsində Rus tanklarının üzərində Z hərfinin olmasıdır. Hələki şirkət bunu sadəcə öz web saytında tətbiq edib. Lakin növbəti günlərdə bəhs etdiyimiz modellərin qutu və proqram təminatlarında da Z hərfini ləğv ediləcək. Qeyd edək ki, bu addım indilik Rusiya xaric digər Avropa ölkələrində tətbiq edilir.