Samsung-da bir skandal daha: Smartfonların yavaşladıldığı aşkarlanıb

 Samsung şirkətinin flaqman seriyası Galaxy S22 modellərini yavaşlatdığı aşkarlanıb. Bu haqda Reddit platformasında məlumatlar paylaşıb. Samsung isə bunları təsdiqləyib.

 Galaxy Unpacked tədbiri ilə istifadəçilərə yeni flaqman Galaxy S22 modellərini təqdim edən Samsung yeni bir skandal xəbərlə gündəmə gəlib. Şirkətin Galaxy S22 modellərini yavaşlatdığı aşkarlanıb. Android Authority tərəfindən yazılan xəbərə əsasən şirkət Oyun Optimizasiya Servisi (GOS) adlı servislə 10 mindən daha çox tətbiqin tam performansda işləməsinə mane olur. Bura oyunlar da daxildir. Lakin Geekbench kimi performansı ölçən tətbiqlər bura daxil edilməyib. Beləliklə performans testlərində üstün nəticə göstərən smartfon tətbiqləri heç tam potensialında istifadə etmirmiş. Bunun edilməsinin əsas səbəbi yeni Exynos 2200 prosessorunun daha az qızmasını təmin etməkdir. Beləliklə smartfon daha sərin işləyə biləcək. Nəzərə alsaq ki, Galaxy S22 seriyasında xüsusi soyutma sistemləri istifadə edilib, onda bu  adam lazımsız hesab edilə bilər. Şirkət həmçinin Snapdragon istifadə edən Galaxy S22 versiyalarında da bu servislə performansı limitləyir. Bunun səbəbi isə Snapdragon prosessorlarında performansın Exynos-dan daha çox olmasıdır. Bu halda istifadəçilər aradakı fərqi görməsin deyə şirkət belə addım atıb.

 Şirkətin bu addımı hal-hazırda internətdə bütün istifadəçilər tərəfindən tənqid edilir. Samsung isə bildirib ki, daxili araşdırma başladıb və problemin olduğunu təsdiqləyib. Mart ayı ərzində Galaxy cihazları üçün yeni bir yenilənmə ilə bu limitlərin qalxacağı düşünülür.