Samsung Galaxy Tab S8 planşet seriyasını təqdim edib

    Galaxy Unpacked tədbirində Samsung şirkəti yeni Galaxy Tab S8 planşet seriyasını təqdim edib. Bu tədbirdə Galaxy S22 seriyası ilə yanaşı ən güclü və ən incə planşetlər istifadəçilərə göstərilib.

    Samsung tədbir zamanı 3 ədəd yeni planşet təqdim edib. Bunlar Galaxy Tab S8, Galaxy Tab S8 Plus və Galaxy Tab S8 Ultra modelləri olub. Galaxy Tab S8 bu seriyanın ən ucuzu olub. Lakin buna baxmayaraq bu model bir xeyli güclüdür. 11 düym LCD ekran istifadə edən bu model 120 Hz dəstəyinə malikdir. Snapdragon 8 Gen 1 ilə təchiz edilən Tab S8 modeli 8 GB ram-a və 128 GB yaddaşa malikdir. Arxa əsas kamerası 13 MP + 6 MP olarkən ön kamerası isə 12 MP-dir. 8000 mAh batareyası olan bu planşet 45W sürətli şarjı dəstəkləyir.

    Bir sonrakı model Galaxy Tab S8 Plus seriyanın orta modelidir. Tab S8-ə nəzərən bu model 12.4 düym Super Amoled ekrana malikdir. Həmçinin 120 Hz dəstəyi var. 10900 mAh batareyası olan Galaxy Tab S8 Plus-ın digər parametrləri Tab S8 ilə eynidir. Bu planşet seriyasının ən güclü modeli olan Galaxy Tab S8 Ultra digərlərindən fərqlənir. Beləki bu modeldə 14.6 düym Super Amoled ekran və 16 GB-a qədər ram dəstəyi var. 256 GB daxili yaddaşı olan S8 Ultra 2 ədəd 12 MP + 12 MP ön kameraya malikdir. Batareya tərəfində isə 11200 mAh batareya ilə təchiz olunub. Galaxy Tab S8 Plus və S8 Ultra planşetlərində ekrana inteqrasiya edilmiş barmaq izi sensoru varkən Tab S8 modelində ekranın sağ tərəfinə yerləşdirilmiş barmaq izi sensoru istifadə edilib. Hər 3 cihazın S-Pen dəstəyi mövcuddur.