Başı bəladan ayrılmır: Samsung Galaxy S22 Ultra-da GPS problemləri aşkarlanıb

Başı bəladan ayrılmır: Samsung Galaxy S22 Ultra-da GPS problemləri aşkarlanıb

 Samsung Galaxy S22 Ultra smartfonu indi də GPS problemləri ilə gündəmə gəlib. Samsung-un hal-hazırda ən güclü smartfonu olan Galaxy S22 Ultra çıxış tarixindən bu yana bir çox problemlə qarşılaşıb.

 Galaxy Unpack tədbirində təqdim olunan və həm Galaxy, həm Note seriyalarını özündə birləşdirən Galaxy S22 Ultra modeli bir xeyli bəyənilmişdi. Lakin satışa çıxdığı ilk gündən smartfonun problemləri bitmir. Daha əvvəl ekran problemləri ilə gündəmə gələn smartfon indi də GPS problemləri səbəbilə özündən bəhs etdirir. Samsung forumlarında yazılan şikayətlərə əsasən Galaxy S22 Ultra ciddi şəkildə GPS problemlərinə malikdir. Cihaz sahibləri bildirir ki, Google Maps kimi naviqasiya proqramlarında “GPS siqnalı tapılmır” xətasını alırlar. İstifadəçilər iddia edir ki, bu problem smartfonu ilk quraşdırdıqdan həmən sonra və ya smartfon 3-4 saat istifadə edilmədiyi vaxt yaranır. Aşkarlanan bu problemə şəbəkə ayarlarını sıfırlamaq və ya smartfonun özünü sıfırlamaq heç cürə kömək etmir. Bəzi istifadəçilər smartfonu yenidən başladaraq bu problemi bir müddətlik həll etsə də Samsung tərəfindən yenilənmə paketinin yayımlanması gözlənilir. Şirkət hələki GPS problemini təsdiqləməyib.

Şərhlər

Digər xəbərlər