Galaxy S22 təqdimatında Samsung-un Metaverse suprizi etməsi gözlənilir. Decantraland yəni Mana ilə işbirliyi quran Samsung virtual mağaza yaradaraq təqdimat tədbirini orda da göstərəcək.

   Qeyd edək ki, Samsung da digər şirkətlər kimi Metaverse konsepti ilə çox maraqlanır. Şirkət rəsmiləri hər dəfə Metaverse-in önəmindən bəhs edir və bu dünyada yeni proyektlərin olacağını bildirirlər. Bu gün Galaxy S22 və Tab S8 modellərinin təqdimatı keçiriləcək. Bu təqdimatın Metaverse dünyasında da göstərilməsi planlanır. Galaxy Unpacked 2022 tədbiri Decantraland işbirliyi ilə virtual dünyada da baş tutacaq. Bunun üçün Samsung-un New York-dakı flaqman satış mağazası 873X olaraq virtual dünyada yenidən canlandırılıb. Təqdimatı gözləyənlər Metaverse dünyasında bu virtual mağazaya gedərək yeni modelləri izləyə bilərlər. Həmçinin Samsung Metaverse üçün ilk investisiya edən şirkətlərdən biri hesab olunur. Gear VR smartfon aksesuarı ilə istifadəçilərin virtual dünyanı təcrübə etməyinə imkan yaratmışdı. Lakin gözlənilən nəticə olmadığı üçün Gear VR istehsalı dayandı. İstehsalın dayandığı zamanlarda isə Metaverse konsepti bütün dünyada yayılmağa başladı. Bəzi iddialar göstərir ki, şirkət təkrar Gear VR aksesuar istehsalına başlaya bilər. Metaverse dünyası üçün bu aksesuarlar bir xeyli tələb görə bilər.