Samsung-un Galaxy S22 seriyasının istehsalını artırdığı ortaya çıxıb

   Samsung şirkəti Galaxy S22 seriyasının istehsalını 20% artırıb. Paylaşılan məlumatlara görə şirkət Galaxy S22 seriyasından yüksək satış rəqəmləri gözləyir. Bu səbəbdən sifarişləri çatdırmaq üçün istehsalı artırıb.

   Ötən günlərdə Galaxy S22 flaqman smartfon seriyasını təqdim edən şirkət yüksək satış rəqəmləri gözləyir. Çip qıtlığının olmasına baxmayaraq şirkət Galaxy S22 seriyasının istehsalını artırmağı seçib. Qeyd edək ki, Galaxy S21 seriyasına olan tələb şirkətin gözləntisini qarşılamamışdı. Ona görə də istehsal sayı qismən azaldılmışdı. Ortaya çıxan məlumatlara görə xüsusilə Galaxy S22 Ultra modelinin ciddi dərəcədə sifariş ediləcəyi gözlənilir. Galaxy Note ilə Galaxy S seriyasını birləşdirən şirkət uğurlu satış edəcəyini düşünür. Samsung-un hal-hazırda 30 milyon Galaxy S22 smartfonu istehsal edəcəyi bildirilir. Bura 12 milyon Galaxy S22, 8 milyon Galaxy S22 Plus və 10 milyon Galaxy S22 Ultra modeli daxildir. Qeyd edək ki, satış rəqəmlərindən aslı olaraq modellərin istehsal sayı arta bilər.