Samsung orta seqmentin kralı olaraq adlandıra biləcəyimiz Galaxy A73 5G modelini təqdim edib. Əvvəlki modelə görə daha güclü parametrləri olan cihaz 108 MP kamera ilə təchiz olunub.

 Samsung yeni modellərini təqdim etməyə davam edir. Şirkət bu səfər orta seqment üçün ən güclü model olan Galaxy A73 5G modelini istifadəçilərə göstərib. Performans tərəfində Snapdragon 778G ilə təchiz olunan bu model 6 GB və 8 GB ram seçimləri ilə gəlir. Yaddaş tərəfində isə 128 GB və 256 GB seçimləri mövcuddur. MicroSD kart dəstəyini davam etdirən bu model təəssüf ki, qulaqlıq girişinə malik deyil. 120 Hz 6.7 düym Full HD+ ekranı olan Galaxy A73 5G smartfonu 108 MP əsas kamera sensoru istifadə edir. Lakin Samsung qiyməti münasib saxlamaq üçün telefoto lensini ləğv edib. 12 MP ultra geniş bucaqlı kamera və 2 ədəd 5 MP kameraya malik bu smartfon ön kamera olaraq 32 MP-lik bir sensor istifadə edir. 5000 mAh batareya ilə uzun batareya performansı vəd edən cihaz 25 Watt sürətli şarjı dəstəkləyir. Lakin Samsung-un flaqman modellərində olduğu kimi Galaxy A73-də də qutudan şarj cihazı çıxmayacaq. Digər önəmli olan funksiya isə suya qarşı qoruma sertifikatı olan IP67 bu cihazda da var. Galaxy A73 5G smartfonu 23 Aprel-də satışa çıxacaq. Samsung bildirib ki, smartfon bütün bazarlarda yox sadəcə bəzilərində satışa çıxacaq. Həmçinin qiymət haqqında da məlumat verilməyib