Samsung-un yeni orta seqment smartfonu Galaxy A53-ün Avropada satış qiyməti bəlli olub. Şirkətin ən çox satılan A seriyasının yeni üzvü satışa çıxarılmağa hazırlanır. Hələki cihaz haqqında ətraflı məlumat verməyən Samsung qiymət olaraq Galaxy A52-ə bənzər bir qiymətləndirmə edə bilər.

 Galaxy A53 modelinin satış qiyməti Avropada bir pərəkandə mağaza tərəfindən sızdırılıb. Mağaza sahibləri bildiriblər ki, smartfon 469 avroya satışa çıxacaq. Lakin qiymət təbii ki, biraz yuxarı-aşağı ola bilər. Bir digər sızdırılan məlumatlara əsasən smartfon 6.52 düym Full HD+ Amoled ekran istifadə edəcək. 120 Hz yeniləmə dəyəri olan smartfon 64 MP əsas kamera ilə təchiz olunacaq. Həmçinin 12 MP geniş bucaqlı kamera, 5 Mp dərinlik sensoru və 5 MP makro kamera da istifadə edəcək. Batareya tərəfində isə 5000 mAh istifadə edən Galaxy A53 smartfonu 25W sürətli şarjı dəstəkləyəcək. Android 12 və OneUİ 4.1 ilə qutudan çıxan smartfon həm orta seqment, həm büdcə dostu model istəyənlər üçün ideal seçim olacaq.