Samsung Galaxy A53 modelinin posterləri və parametrləri sızdırıldı

    Ən çox smartfon satan Samsung şirkətinin yeni Galaxy A53 modelinin posterləri və parametrləri sızdırıldı. Bu il ən çox gözlənilən smartfon modellərindən olan Galaxy A53 bir çox istifadəçi tərəfindən gözlənilir.

    WinFuture tərəfindən smartfonun parametr və posterləri internetə sızdırılıb. Şəkillərdən göründüyü kimi Galaxy A53 modeli Galaxy A52 ilə bənzər dizayna malikdir. Hər iki telefonda da metal çərçivələr və zərbələrə dayanıqlı polikarbonat maddə istifadə edilib. İki model arasındakı fərq isə kamera çıxıntısında görünür. Galaxy A53 modelində kamera çıxıntısı Galaxy A52-ə nəzərən daha yumuşaq xətlərə malikdir. Galaxy A53 modelinin kamera konfiqurasiyası isə 4 ədəd kameradan ibarət olacaq. Əsas kamera A52 ilə eyni olmasına baxmayaraq 12 MP ultra geniş kamera, 5 MP dərinlik kamerası və 5 MP makro kamera ilə təchiz olunub. Smartfonun Exynos 1200 prosessoru ilə təchiz olunduğu bildirilir. 5000 mAh batareyası olan smartfon 120 Hz Amoled ekran istifadə edir. Sammobile tərəfindən verilən məlumata görə Galaxy A53 smartfonu Mart ayında təqdim olunacaq.