Samsung, Galaxy A seriyasının yeni modelləri Galaxy A53 5G və Galaxy A33 5G-ni təqdim edib. Giriş və giriş-orta seqmentə xitab edən modellər əvvəlkilərə nəzərən daha çox təkmilləşdirilib.

 Samsung 2022-ci il satışa çıxarmaq üçün nəzərdə tutduğu modelləri yavaş-yavaş təqdim etməyə başlayıb. Unpacked tədbirində Galaxy S22 flaqman seriyasını təqdim edən şirkət indi isə Galaxy A seriyasının modellərini təqdim etməyə başlayıb. Galaxy A73-dən sonra Galaxy A53 və Galaxy A33 də istifadəçilərə göstərilib. Yeni modellərin ən diqqət çəkici nöqtəsi arxa kameralar üçün OIS dəstəyinin gəlməsi olub. Digər tərəfdən yeni modellər əvvəlkilərə nəzərən daha baha olacaq. Orta seqmenti hədəfləyən Galaxy A53 modeli 120 Hz ekran yeniləmə dəyərinə malikdir. Arxa kamerada OIS, IP67 sertifikatı və Dolby Atmos dəstəkli iki dinamikin olması smartfondakı yeniliklərdəndir. Yenilənmiş çipset səbəbilə smartfon artıq daha yaxşı gecə portretləri çəkə biləcək. Artıq Galaxy A seriyasında da qutulardan şarj cihazı çıxmayacaq.

 Galaxy A33 modelində isə yenə arxa kamerada OİS, Super Amoled ekran, 90 Hz yeniləmə dəyəri, 8 MP ultra geniş, 5 MP makro və 2 MP dərinlik sensoru olacaq. Hər iki model 4 il ərzində sistem yenilənməsi, 5 il ərzində isə təhlükəsizlik yenilənmələri alacaq.