Samsung Galaxy A seriyasının təqdimat tarixi bəlli olub: A53 və A73

 Samsung-un yeni Galaxy A seriyası modellərinin təqdimat tarixi bəlli olub. Bu təqdimatda Galaxy A53 və A73 modellərinin təqdim olunması gözlənilir.

 Ötən ay Galaxy Unpacked tədbirini keçirən şirkət Galaxy S22 seriyasını təqdim etmişdi. İndi isə nəhəng şirkət Samsung yeni Galaxy A modellərini təqdim etməyə hazırlaşır. Bunlar Galaxy A53 və A73 modelləri olacaq. Təqdimat tarixi 17 Mart olaraq seçilib. İnsayder Evan Blass tərəfindən verilən məlumatlarda bildirilir ki, Samsung 17 Mart tarixində öz saytı üzərindən canlı yayım keçirəcək və bu canlı yayımda yeni Galaxy smartfonları təqdim ediləcək. Təqdimat posterinə əsasən görünür ki, suya qarşı dayanıqlılığ və sürətli şarj tərəfində bu smartfonlarda bir xeyli təkmilləşdirmələr edilib. Tam olaraq siyahı bilinməsə də bu təqdimatda Galaxy A23, Galaxy A33, Galaxy A53 və Galaxy A73 olmaqla 4 ədəd smartfonun göstəriləcəyi düşünülür. Qeyd edək ki, ötən ilin ən çox satılan modellərindən biri Galaxy A52 idi.