Performans istəyənlər üçün ideal notbuk: RedmiBook Pro 2022

 Redmi-nin üzərində işlədiyi RedmiBook Pro 2022 notbuku performans istəyənlər üçün ideal olacaq. Ən yeni 12.nəsil Intel H prosessorları ilə təchiz olunan bu model Nvidia RTX 2050 videokartlı seçimə də malik olacaq.

 Xiaomi-nin alt brendi olan Redmi şirkəti özünün RedmiBook Pro 2022 notbukunu təqdim etməyə hazırlaşır. Daha əvvəl render şəkilləri internetə sızdırılan cihazın indi isə parametrləri sızdırılıb. Bu model 15 düymlük IPS LCD ekran istifadə edəcək. 3200x2000 piksel ölçüsü təmin edən Redmi notbuku 89.1% ekran/gövdə nisbəti ilə bir xeyli premium görünür. sRGB rəng şkalasının hamsını dəstəkləyən RedmiBook Pro modeli dizaynerlər üçün də ideal bir seçim olacaqmış kimi durur. Performans tərəfində Intel-in 12.nəsil Intel Core-i7 12650H və Intel Core-i5 12450H prosessorlarını istifadə edən bu cihaz daxili videokart olaraq Intel UHD istifadə edir. Daha güclü videokart istəyənlər Nvidia RTX 2050 istifadə edən modellər də mövcud olacaq. 16 GB LPDRR5 ram və 512 GB SSD ilə təchiz olunan RedmiBook Pro 2022 modeli Windows 11 ilə birliktə qutudan çıxacaq. Həmçinin 72 Wh batareyası olan notbuk 100W sürətli şarjı dəstəkləyir. Giriş portları tərəfində isə 2 ədəd Thunderbolt portu, 2 ədəd USB 3.2 və HDMİ 2.0 portlarına malikdir. RedmiBook Pro 2022-nin Core-i5 istifadə edən versiyası 834 dollardan, RTX 2050 və Core-i7 istifadə edən versiyası isə 1133 dollardan satışa çıxacaq. İl ərzində AMD 6000H prosessorundan istifadə edən modellərin də gələcəyi Redmi tərəfindən bildirilib.