Redmi-nin 120 Hz ekranlı yeni telefonu sızdırıldı

    Redmi şirkətinin Fevral ayında yeni bir smartfon təqdim edəcəyi məlum olub. Bilindiyi kimi yaxın zamanlarda Redmi K50 smartfon seriyası təqdim olunacaq. Lakin yeni məlumatlara görə şirkət başqa bir smartfon da təqdim etməyi planlayır.

     Son günlərdə Redmi K50 seriyasına aid 22021211RC, 22031211AC, 22011211C və 21121210C model smartfonlar gündəmdədir. Amma bu gün daha əvvəl bilinməyən bir model ortaya çıxdı. 2201116SC model nömrəli smartfon 90 Hz və 120 Hz dəstəkləyən ekrana malik olacaq. Həmçinin 6.67 düyüm FHD+ keyfiyyətində OLED ekran istifadə edəcək. 5G dəstəyi olan bu smartfon 2.2 ghz sürətində 8 nüvəli prosessor ilə təchiz olunub. Android 11 əsaslı MIUI 13 istifadə edən Redmi-nin yeni smartfonu 108 MP əsas kameraya malik olacaq. Smartfonun ön kamerası isə 16 MP olacaq. 4900 mAh batareyası olan bu smartfon 67W sürətli şarj ilə istifadəyə veriləcək. 202 qram ağırlığında olan smartfonun 128/256/512 GB yaddaş seçimləri də olacaq. Ram seçimləri olaraq minimum 6 GB ram olacağı iddia edilir.

    Qeyd edək ki, əvvəllər Redmi markası Xiaomi-nin alt brendi idi. Lakin sonradan Xiaomi-dən ayrılaraq ayrı bir smartfon markası oldu. Eyni strategiyanı Huawei şirkəti də Honor üçün etmişdi. Artıq Honor şirkəti Huawei-dən ayrı olaraq fəaliyyət göstərir. Növbəti illərdə çinli şirkətlərdə bu tip strategik addımları daha çox görə bilərik.