Redmi K50 seriyasına tələb çoxdur: Dəqiqələr ərzində 100 minlərlə satıldı

 Ötən günlərdə təqdim olunan Redmi K50 seriyası Çində bir gündə 300 min ədəd satılıb. Çin tərəfində Redmi-nin yeni seriyasına olan tələb və maraq bir xeyli yüksəkdir.

 Xiaomi-nin alt brendi olan Redmi şirkəti özünün yeni Redmi K50 smartfon modellərini təqdim etmişdi. Bu gün Çində ilk dəfə satışa çıxan smartfonlar 1 gün ərzində 300 min ədəd satılıb. Hal-hazırda Xiaomi-nin bu seriya üçün stokları bitib. Yeni stokların gəlməsi gözlənilir. Satılan modellərə Redmi K50 və Redmi K50 Pro modelləri daxildir. Redmi rəsmiləri bildirib ki, gələn həftənin çərşənbə axşamı yeni stoklar satışa çıxacaq. Hələki bu smartfonların qlobal bazara nə vaxt çıxacağı bilinmir.

 Çipset tərəfində güclü olan Redmi K50 seriyasının Redmi K50 Pro modeli Dimensity 9000, Redmi K50 isə Dimensity 8100 ilə təchiz olunub. 120 Hz yenilənmə dəyərinə malik bu cihazlar 6.7 düym Amoled panel istifadə edir. Pro modelində 108 MP-lik Samsung kamera sensoru istifadə edilir. Həmçinin 8 MP ultra geniş bucaqlı və 2 MP makro kameraya malikdir. Redmi K50 modelində əsas kamera 48 MP Sony sensoru istifadə edərkən digər kameraları Redmi K50 Pro modeli ilə eynidir