Davam edən MWC 2022 konfransında Realme şirkəti yeni Realme Book Prime notbukunu təqdim edib. Premium dizaynı və qiyməti ilə bir xeyli təəccübləndirən model xeyli bəyənilib.

 Realme markası ötən ildən başlayaraq notbuk bazarına giriş etmişdi. Çinli şirkət MWC 2022 konfransında özünün yeni Realme Book Prime adlı notbukunu təqdim edib. Bu cihaz keçən ay Çində satışa çıxan Realme Book Enhanced Edition modelinin daha üst versiyasıdır. Realme şirkəti bu modeldə 2160x1440 piksellik ekran istifadə edib. 14.2 düym İPS LCD ekranı olan notbukun incə çərçivələri diqqətləri çəkib. 11.nəsil İntel Core i5-11320H prosessoru ilə təchiz olunan bu cihaz İntel şirkətinin İntel İris Xe videokartından istifadə edir. Həmçinin 8/16 GB ram, 512 GB SSD və 65W sürətli şarj dəstəyinə malik olan Realme Book Prime 54 Wh tutumunda batareyaya malikdir. Bu notbuk oyun performansını qorumaq üçün cüt fanları olan soyutma sistemi ilə təchiz olunub. Beləliklə istifadəçilər oyun oynadıqlarında temperatur dəyərləri onları narahat edəcək səviyyələrə yüksəlməyəcək. Qeyd edək ki, notbuk qutudan Windows 11 ilə birliktə çıxacaq. Realme Book Prime-ın 8 GB ram və 512 GB yaddaş olan versiyası 999 avroya, 16 GB ram və 512 GB yaddaş olan versiyası isə 1099 avroya satışa çıxacaq.