Realme dünyanın ən sürətli smartfon şarj texnologiyasını təqdim edəcək

 Realme yaxınlaşan MWC 2022 konfrasında dünyanın ən sürətli smartfon şarj texnologiyasını təqdim edəcək. Artıq Realme smartfonları 200W gücündə şarj oluna biləcək. Bu da rekord göstərici hesab olunur.

 28 Fevral tarixində keçiriləcək MWC 2022 konfransında Realme şirkəti 200W sürətli şarj texnologiyasını təqdim edəcəyini bildirib. Şirkət bu haqda bəzi məlumatlar paylaşıb. Yeni şarj texnologiyası Realme GT 2 Pro modeli ilə birliktə təqdim olunacaq. İddialara görə yeni sürətli şarj 150W-a qədər dəstək verməli idi, lakin Gizmochina tərəfindən verilən məlumata görə şirkət 200W şarj edə bilən adaptorlar hazırlayıb. Paylaşılan şəkilə əsasən yeni adaptorun 200W və 45W sürətli şarjı dəstəklədiyi görünür. Hər nə qədər istifadəçilər sürətli şarj texnologiyalarına müsbət baxmasa da Realme şirkətinin limitləri zorladığını deyə bilərik.

 Qeyd edək ki, əslində bu ilk sayılmaz. Xiaomi şirkəti də 200W sürətli şarj texnologiyasını təqdim etmişdi, lakin hələ heç bir modeldə istifadə etməyib. İddialara görə Realme şirkətinin texnologiyası eyni gücdə olmasına baxmayaraq Xiaomi-ə nəzərən daha qısa müddətdə smartfonları şarj edə bilər. İstifadəçilər düşünür ki, bu gücdə şarj texnologiyaları təhlükəlidir və smartfonun batareyasına da zərər vurur. Sürətli şarj zamanı smartfonlar qızdığı üçün batareyaya minimum da olsa təsir edə bilirlər. Bu səbəbdən bəzi smartfon markaları öz modellərinə sürətli şarjı söndürmək üçün funksiyalar əlavə edirlər. Beləliklə istəməyən istifadəçilər sürətli şarj istifadə etmir.