Qualcomm şirkəti Snapdragon 8 Gen 1+ çipseti üçün Samsung əvəzinə TSMC ilə işləyəcək. Samsung-un istehsal prosesindən narazı olan Qualcomm şirkəti təkrar TSMC ilə işləyəcək. Snapdragon 8 Gen 1+ prosessorları TSMC tərəfindən istehsal ediləcək.

  AMD ilə işbirliyi əsasında Exynos 2200 prosessorunu istehsal edən Samsung gözlədiyi nəticəni ala bilməmişdi. Bunun üzərinə Qualcomm şirkəti də Snapdragon çiplərinin istehsalı üçün Samsung əvəzinə TSMC ilə işləyəcək. Bunun əsas səbəbi isə Samsung-un istehsal metodunun effektiv olmaması göstərilir. Gizli mənbələrin verdiyi məlumata görə Qualcomm şirkəti Samsung-dan narazıdır. Samsung-un istehsal metodunun effektivliyi zəif olduğu üçün Snapdragon 8 Gen 1 prosessorları bir xeyli problemli olmuşdu. İstifadəçilər isinmə, zəif performans kimi bir çox problemdən şikayət edirdi. Bu səbəbdən Qualcomm şirkəti planlarını dəyişdirir. Şirkət Snapdragon 8 Gen 1+ prosessorunun istehsalına artıq başlayıb. 5-10% performans artımı olan yeni çipsetlər TSMC tərəfindən istehsalı üçün müqavilələr imzalanıb. Yeni prosessorlar 4 nm ölçülərində hazırlanacaq və bazara gözləniləndən daha tez çıxacaq. İddialara görə ən tez Yay aylarında istifadə verilməsi planlanan Snapdragon 8 Gen 1+ prosessorları əvvəlki nəsildən daha yaxşı olacaq.