Qualcomm və Ferrari işbirliyi edəcək: Ferrari-lər daha ağıllı olacaq

 Qualcomm avtomobil dünyasının köklü şirkətlərindən Ferrari ilə işbirliyi edəcəyini bildirib. Şirkətin avtomobil texnologiyaları Ferrari avtomobillərində istifadə ediləcək. Beləliklə Ferrari avtomobilləri daha ağıllı olacaq.

  Qualcomm şirkəti öz texnologiyalarını avtomobil ekosistemində də istifadə etməyə hazırlaşır. CES 2022 sərgisində Volvo, Honda, Renault və General Motors ilə işbirliyini elan edən şirkət indi də Ferrari ilə razılaşıb. Qualcomm-un bildirdiyinə görə bu addım “strategik texnologiya işbirliyi” olaraq adlandırılır. Bu da şirkətin son zamanlarda təqdim etdiyi avtomobil həllərinin Ferrarı avtomobillərinə gələcəyini işarə edir. Razılaşılan ortaqlığa görə Ferrari Qualcomm şirkətinin Snapdragon Digital Chassis adlı həllərini öz maşınlarında istifadə etməyə başlayacaq. Şirkətin bu həlləri avtomobilləri daha təhlükəsiz və ağıllı hala gətirməyi hədəfləyərkən özəlləşdirmə və yenilənmə kimi funksiyaları da təmin edəcək. Bura avtonom sürüş bacarığı təmin edən Snapdragon Ride, avtomobil daxili funksiyalar üçün Snapdragon Cockpit və 5G/LTE şəbələrinin avtomobillərə inteqrasiyasını mümkün edən Snapdragon Auto Connectivity həllər daxildir.

  Əlavə olaraq Qualcomm şirkəti Ferrari-nin digital kokpitlərinin hazırlanması və inteqrasiyasını da edəcək. Müqaviləyə əsasən Qualcomm Scuderia Ferrari Formula 1 komandasının da sponsoru olacaq. Snapdragon loqosu Ferrarı avtomobillərində yerləşdiriləcək.