Qatlana bilən iPhone smartfonları nə vaxt çıxacaq?

Qatlana bilən iPhone smartfonları nə vaxt çıxacaq?

 DSCC tərəfindən hazırlanan sənədlərə görə qatlana bilən iPhone-lar 2025-də satışa çıxacaq. Əvvəlki iddialara görə Apple şirkəti ilk qatlana bilən iPhone modelini 2023-də satışa çıxaracaqdı. Lakin son gələn məlumatlara əsasən bu plan təxirə salınıb.

 Həmçinin verilən bir digər məlumat odur ki, qatlana bilən iPhone modeli iPhone Flip olaraq adlandıralacaq. DSCC-nin CEO-su Ross Young bildirib ki, qatlana bilən iPhone modelinin təqdimatı 2025-ə təxirə salınıb. Həmçinin o bildirib ki, Apple şirkəti qatlana bilən smartfon bazarına girməyə tələsmir. Bir digər məlumat isə odur ki, Apple şirkəti 20 düym ekranı olan qatlana bilən notbuk modelləri üzərində də işləyir. Ross Young öz sənədlərində bildirib ki, bu proyekt Apple şirkəti üçün yeni məhsul kateqoriyası olacaq və bu cihazlar iki məqsədli istifadə edilə biləcək. Apple-in notbukunun 360 dərəcə notbuklar kimi qatlandığında ekran olaraq istifadə edilən notbuka çevriləcəyi bildirilir. İki funksiyalı bu notbukların 2026-dan tez bazara çıxması gözlənilmir.

 Qeyd edək ki, qatlana bilən cihaz bazarı gün keçdikcə böyüyür. Bu səbəblə istifadəçilərin bu cihazlara olan maraqları da artır. Apple şirkəti də məhsul satışlarını nəzərə alaraq bu cihazların istifadəçilər tərəfindən tamamilə qəbul olunduğu bir zamanı gözləməsi mümkündür. Beləliklə daha çox cihaz sata biləcək. Hal-hazırda istifadəçilər bu cihazları qəbul etsələr də istifadə edilən texnologiya və qatlanan ekran panelləri yetəri qədər təkmilləşməyib. İstehsalçıların önündə çoxlu əngəllər yaranır. Bu səbəbdən bu qatlanan ekran panellərinin inkişafı bu texnologiyaları daha çox olğunlaşdıracaq və istifadəçilərin daha çox qəbul etməsinə səbəb olacaq.

Şərhlər

Digər xəbərlər