Pixel 6 və Pixel 6 Pro smartfonlarında yeni problem ortaya çıxıb

  Pixel 6 və Pixel 6 Pro modellərində Wi-Fi ilə bağlı yeni problem yaranıb. İstifadəçilərin Google-a olan narazıçılığı böyüyür. Fevral yenilənməsini yayımlayan Google şirkəti Pixel 6 və Pixel 6 Pro modellerində Wi-Fi-ın avtomatik söndürülməsinə səbəb olan xətaya yol verib.

  İstifadəçilər bildirir ki, smartfonlar kilid ekranında olduğu vaxt Wi-Fi avtomatik söndürülür. Bu problem hal-hazırda Google rəsmi dəstək forumlarında və Reddit-də bir çox istifadəçi tərəfindən bildirilib. Google ilə əlaqə saxlayan istifadəçi bildirir ki, şirkətin dəstək mərkəzi istifadəçiyə telefonu sıfırlamağı məsləhət görüb. Lakin problemi bu da həll etməyib. Qeyd edək ki, bu problem hal-hazırda Google tərəfindən rəsmi olaraq təsdiqlənməyib, lakin problemin qısa zamanda həll ediləcəyi düşünülür.