Çinli smartfon markası Oppo özünün ilk planşeti Oppo Pad-ı təqdim edib. Qurulduğu vaxtdan indiyə qədər planşet bazarından uzaq duran şirkət nəhayət ilk planşetini təqdim etdi. Bir çinli marka daha planşet bazarında öz yerini aldı.

 Əvvəlki məlumatlara görə Oppo şirkəti alt brendi olan Realme ilə planşet bazarına girməyi düşünürdü. Lakin şirkət bu qərardan imtina etdi və özü ilk planşetini təqdim etdi. Oppo Pad adlı planşet 11 düymlük LTSP LCD ekran ilə təchiz olunub. Snapdragon 870 çipindən güc alan bu cihaz 6 GB və 8 GB olmaqla iki ram seçiminə malik olacaq. 128 GB və 256 GB yaddaş seçimləri ilə gələn Oppo Pad 13 MP arxa kamera və 8 MP ön kamera ilə təchiz olunub. 8300 mAh batareyası olan planşet 33W sürətli şarj texnologiyası ilə bu batareyanı doldura bilir. 6 GB/128 GB versiyası 363 dollara, 8 GB/256 GB versiyası isə 474 dollara satılacaq. Həmçinin 6.99 mm qalınlığı olan bu planşet 120 Hz ekran yeniləmə dəyəri ilə dəstəklənib. Bu ekranda HDR10 dəstəyi də mövcuddur. Bundan başqa Oppo Pencil qələm dəstəyi də istifadəçilərə təqdim edilib. 79 dollara satılan bu qələm planşetdən ayrı olaraq satın alına bilər.

 Qeyd edək ki, Oppo şirkəti Çinin ən böyük şirkətlərindən biridir və bir çox alt brendi mövcuddur.Bunlardan ən çox bilinəni OnePlus və Realme-dir. Şirkət yaxın zamanlarda verdiyi qərara əsasən alt brendləri ilə uzaqlaşmaq yerinə daha sıx işləməyə başlayacaqlar. Beləliklə 3 smartfon markası ortaq texnologiyaları istifadə edərək öz ekosistemlərini yaradacaqlar.