Oppo şirkəti batareyanı 15 dəqiqəyə 100% şarj edən SuperWOOC sürətli şarj texnologiyasını təqdim edib.  Yeni texnologiya ilə birliktə 4500 mAh batareyanı 5 dəqiqəyə 50% şarj etmək mümkün olacaq.

 Çin mərkəzli Oppo şirkəti bu gün özünün yeni SuperWOOC sürətli şarj texnologiyasını təqdim edib. Şirkətin verdiyi məlumatlara görə 4500 mAh batareyanı 1%-dən 50%-ə qədər sadəcə 5 dəqiqə ərzində doldura bilir. 15 dəqiqə ərzində isə batareyanı 100% doldura bilir. Həmçinin Oppo bildirib ki, yeni şarj texnologiyasını istifadə edən ilk smartfon bu ilin ikinci rübündə çıxacaq və OnePlus markasına aid bir smartfon olacaq. Bu smartfonun flaqman model yoxsa Nord seriyasından olacağı isə hələki bilinmir. Qeyd edək ki, OnePlus şirkəti Oppo-nun alt brendidir. OnePlus şirkəti Warp sürətli şarj texnologiyasını istifadə etsə də artıq o da SuperWOOC sürətli şarj texnologiyasını istifadə edəcək. Həmçinin OnePlus şirkəti bildirib ki, “Batareya Sağlıq Motoru” (BHE) texnologiyasi ilə 150W sürətli şarj smartfonun batareyasına zərər verməyəcək. Oppo və Realme şirkətlərinin yaxın zamanda istifadə etməsi planlanan 150W şarj texnologiyası Oppo-nun son proyekti olmayacaq. Şirkət hal-hazırda 240W sürətli şarj texnologiyası üzərində işləməyə başlayıb. Şirkət iddia edir ki, bu texnologiya ilə 4500 mAh batareyanı sadəcə 9 dəqiqə ərzində 100% şarj etmək mümkün olacaq.