OnePlus şirkəti özünün Nord brendi altında yeni ağıllı saatını hazırlayır. Beləliklə şirkət geyinilə bilən texnologiyalarının sayını artırmağa başlayıb.

 Çinli smartfon istehsalçısı OnePlus şirkəti məhsul çeşidliliyini artırmağa çalışır. Şirkət büdcə dostu yeni məhsullar üzərinə fokuslanıb. OnePlus Nord Watch olaraq adlandırılan yeni ağıllı saat şirkətin bu məhsullarından biri olacaq. Saatın rəngli bir ekran ilə gələcəyi bildirilir. Həmçinin istifadəçilər ekranı toxunaraq idarə edə biləcəklər. Bundan başqa Nord Watch saatının ürək ritmini və qan təzyiqini ölçmək, həmçinin yuxu analizi, idman rejimləri kimi bir çox funksiyaya malik olacağından bəhs edilir. OnePlus Nord Watch saatının satış qiyməti 130 dollar civarında olacağı düşünülür.