OnePlus Nord CE 2-nin parametrləri və qiyməti internetə sızdırılıb

  OnePlus şirkətinin yeni Nord CE 2 smartfonunun parametrləri və qiyməti internetə sızdırılıb. 17 Fevral tarixində təqdim olunması gözlənilən yeni model əvvəlkindən daha güclü olacaq. Smartfonun parametrləri, rəngləri və qiyməti istifadəçilərlə paylaşılıb.

  MediaTek Dimensity 900 prosessoru ilə təchiz olunmuş OnePlus Nord CE 2 smartfonu 6/8 GB LPDDR4X ram seçimlərinə malik olacaq. Cihaz həmçinin 128 GB yaddaş və UFS 2.2 yaddaş çipi ilə təmin olunub. Nord CE 2 modeli həmçinin 4500 mAh batareyaya və 65W Super VOOC sürətli şarj texnologiyasına malik olacaq. Bu smartfon 6.43 düym Full HD+ Amoled ekran istifadə edir. Smartfonun ön kamerası 16 MP-lik sensor, arxa kamerası ilə 64 MP-lik sensor ilə təchiz olunub. Bundan başqa 8 MP geniş bucaqlı kamera və 2 MP makro kameraya da yer verilib. OnePlus Nord CE 2 smartfonu verilən məlumatlara görə sadəcə 2 rəngdə satışa çıxacaq. Bunlar Bahama Blue və Gray Mirror rəngləri olacaq. Qiymət tərəfində isə 6 GB/128 GB model 317 dollara, 8 GB/128 GB 344 dollara satılacaq.

  Ötən günlərdə OnePlus 10 smartfon seriyasını təqdim edən OnePlus istifadəçilərina rəğbətini qazana bilmişdi, lakin smartfonun kamera blokunun iri olması səbəbilə də bir çox tənqidə məruz qalmışdı. Flaqman qatili ləqəbi ilə bilinən marka artıq əvvəlki kimi büdcə dostu modellər çıxartmır. Şirkətin flaqman seriyalarının satış qiymətləri artıq digər markalar ilə bərabərləşib. Bu səbəbdən istifadəçilər şirkətin irəlilədiyi bu strategiyanı çox da doğru hesab etmir.