Ötən il OnePlus şirkəti yeni R smartfon seriyasını OnePlus 9R ilə təqdim etmişdi. Büdcə dostu olan smartfon bir xeyli bəyənilmişdi. İndi isə şirkət yeni OnePlus 10R smartfonunu təqdim etməyə hazırlaşır. Smartfonun texniki parametrləri internetə sızdırılıb.

               Çin və Hindistan bazarlarında satışa çıxması planlanan OnePlus 10R, 120 HZ Amoled ekran ilə təchiz ediləcək. OnePlus 10 smartfonunda Snapdragon 8 Gen 1 prosessoru istifadə edilsə də OnePlus 10R-də MediaTek Dimensity 9000 prosessoru istifadə ediləcək. Bu əslində biraz qəribədir. Çünki əvvəlki OnePlus 9R modellərində Snapdragon istifadə edilmişdi. Bundan başqa OnePlus 10R smartfonunda minimum 8 GB ram və 128 GB yaddaş olacaq. Verilən məlumatlara görə OnePlus şirkəti OnePlus 10R modelini 2022-nin 2.rübündə təqdim edəcək. Smartfon haqqında başqa məlumat və satış qiyməti hələki verilməyib. Qeyd edək ki, OnePlus şirkəti Oppo-nun bir alt firmasıdır.Beləliklə yeni smartfonlarında artıq şirkətin öz OxygenOS interfeysi istifadə edilməyəcək. Onun əvəzinə ColorOS interfeysi istifadə ediləcək. İstifadəçilərin bir çoxu bundan şikayət etsə də, digərləri bunu doğru addım hesab edir.

               Həmçinin yeni OnePlus 10 seriyası da artıq təqdim edilib. Hasselblad tərəfindən optimizasiya edilən kameraları olan OnePlus 10 seriyası bir çox istifadəçi tərəfindən bir xeyli sevildi.