Nvidia şirkəti ARM-ı almaqdan imtina edə bilər

Nvidia şirkəti ARM-ı almaqdan imtina edə bilər

       2 il öncə Nvidia şirkətinin ARM40 milyard dollara almaq istədiyi ortaya çıxmışdı. Bu xəbər texnologiya dünyasında təəccüblə qarşılanmışdı. İndi isə yeni çıxan məlumatlara görə Nvidia şirkəti ARM şirkətini almaqdan imtina etməyi düşünür.

      Nvidia şirkəti videokart, süni zəka və bənzər bir çox sahədə fəaliyyət göstərən şirkətlərdən biridir. 2 il öncə Nvidia-nın bütün texnoloji cihazlar üçün çipset hazırlayan ARM şirkətini almaq istədiyi ortaya çıxmışdı. ARM şirkətinin çipsetləri bütün ağıllı cihazlarda istifadə edilir. TV-lər, soyuducular və digər məişət əşyaları da bura daxildir. Bu səbəbdən ARM şirkəti texnologiya dünyası üçün çox önəmli bir rol oynayır. Şirkətin əsas sahibi olan SoftBank isə ARM-ı satmağı düşünürdü. Ən ciddi alıcı isə Nvidia idi. Lakin bu satışın gerçəkləşməsi ARM ilə işləyən bir çox şirkəti narahat edirdi. Həmçinin dövlət qurumları da bunun monopoliyaya doğru gedə biləcəyini düşünürdü.

      ARM-ın satılmasına etiraz edən ən böyük şirkətlər isə GoogleMicrosoft idi. Lakin son verilən məlumatlara görə Nvidia bu alışdan imtina edə bilər. Bunun ən böyük səbəbi isə dövlətlər və qurumların Nvidia şirkətinə alış üçün razılıq verməməsidir. Ötən aylarda isə Böyük Britaniya da bu qərara etiraz etdi və Nvidia üçün icazələr verilmədi. Bloomberg tərəfindən verilən məlumatlara görə Nvidia şirkəti səssizcə bu alışdan imtina etməyi düşünür. 2 ildir davam edən proseslərin bir nəticəyə bağlanmadığı görülür. Bununla birliktə Nvidia şirkəti ARM-ı almaqdan imtina edərsə 1.12 milyard dollarlıq zərər edəcək. Bloomberg-in bir digər verdiyi məlumata görə dəqiq qərar hələki verilməyib.

Şərhlər

Digər xəbərlər