Videokart istehsalçısı Nvidia-nın yeni “əjdaha” videokartı RTX 4090 ilə bağlı ilk məlumatlar yayımlanıb. Məlumatlara görə RTX 4090 videokartı 600W-a yaxın enerji istifadə edəcək. Qeyd edək ki, bu göstərici çox yüksəkdir.

 Videokart bazarının lideri olan Nvidia şirkəti yeni Ada Lovelace arxitekturası əsasında hazırlanan RTX 4000 seriyası videokartları təqdim etməyə hazırlaşır. Bu seriyanın ən güclü modeli olan RTX 4090 ilə bağlı ilkin məlumatlar sızdırılıb. Kopite7kimi ləqəbli Twitter istifadəçisinin paylaşdığı məlumatlara görə RTX 4090 videokartı 600W enerji istifadə edəcək. Bu da çox yüksək rəqəm hesab edilir. Yeni videokartlart TSMC şirkətinin 5 nm istehsal metodu ilə hazırlanacaq. Ciddi performans artışı vəd edən Nvidia şirkəti videokartların daha çox güc istifadə etməsinə mane ola bilməyib. Həmçinin mənbələr iddia edir ki, bu videokartlar 850W-a qədər güc istifadə edə bilərlər. RTX 4000 seriyasının bu qədər güc tələb etməsi soyutma sistemi istehsal edən markaları bir xeyli çətinə salacaq. Bundan başqa istifadəçilər də bu rəqəmlərdən məmnun deyil. Yeni videokartlar üçün bir çox istifadəçi yeni qida bloku (psu) almalı olacaq.

 Bu səbəblə yeni videokartların PCİe Gen 5 güc naqili ilə dəstəklənməsi və 16 Pinlik 675W güc ötürə bilən tək naqil ilə istifadə edilməsi gözlənilir. Həmçinin yeni RTX 4000 seriyasının əvvəlki seriyaya nəzərən daha baha olacağı gözlənilir.