Nvidia RTX 3090 Ti gözləntiləri qarşılamaya bilər: Performans məlumatları gəldi

Nvidia RTX 3090 Ti gözləntiləri qarşılamaya bilər: Performans məlumatları gəldi

 RTX 4000 seriyası üzərində işləyən Nvidia-dan RTX 3090 Ti videokartının performans məlumatları yayımlanıb. Yanvar ayında təqdim olunan RTX 3090 Ti videokartı gözləntiləri qarşılamaya bilər.

 Nvidia şirkəti hal-hazıda növbəti videokart seriyası olan RTX 4000 – üzərində işləyir. Ötən Yanvar ayında şirkət özünün ən güclü videokartı olan RTX 3090 Ti modelini təqdim etmişdi. Lakin aylar keçməsinə baxmayaraq istehsal problemləri səbəbilə videokartın satışa çıxması gecikirdi. İndi isə bu videokartın performans məlumatları yayımlanıb. Görünən odur ki, RTX 3090 Ti modeli gözlənildiyi qədər güclü olmayacaq. CapFrameX tərəfindən verilən məlumatlara görə RTX 3090 Ti modeli RTX 3090-a görə sadəcə 10% daha güclü olacaq. Bu da istifadəçilərin gözlədiyi performans artımı deyil. Həmçinin CapFrameX iddia edir ki, yeni videokartın performansı müxtəlif ekran ölçülərində hətta sadəcə 5% güclü ola bilər.

 RTX 3090 Ti modeli 43 TFLOP gücə malik olacaq. RTX 3090-a nəzərən daha çox enerji istifadə edəcək və həmçinin daha sürətli nüvələrə malik olacaq. Qeyd edək ki, son günlərdə Nvidia şirkətinin kod adı “Ada Lovelace” olan RTX 4000 videokartlarının 600W-a qədər enerji istifadə edəcəyindən bəhs edilir.

Şərhlər

Digər xəbərlər