Motorola ilk notebook modelini təqdim etdi – Moto Book 60

Motorola, texnologiya dünyasına yeni bir nəfəs gətirərək ilk noutbuk modelini - Moto Book 60-ı rəsmi olaraq Hindistan bazarında satışa çıxardı. Bu yeni model şıq dizaynı, incə və yüngül quruluşu, eləcə də güclü texniki göstəriciləri ilə istifadəçilərin diqqətini cəlb edir.

Moto Book 60 xüsusiyyətləri ilə üst səviyyə istifadəçiləri hədəf alır. 14 düym ölçülü və 120 Hz yenilənmə tezliyinə malik 2.8K OLED ekran, yüksək görüntü keyfiyyəti təklif edir. Qurğu hərbi standartlara uyğun (MIL-STD-810H) metal gövdəyə və cəmi 1.39 kq çəkiyə sahibdir.

Noutbuk, Intel-in ən son nəsil Core 5 210H və Core 7 240H prosessorları, 16 GB DDR5 RAM (32 GB-a qədər artırıla bilir) və 1 TB-a qədər PCIe 4.0 SSD yaddaş imkanları ilə təchiz olunub. Bu isə həm iş, həm də gündəlik istifadə üçün ideal performans deməkdir.

Moto Book 60 bağlantı baxımından da zəngindir: iki USB Type-A 3.2 Gen 1, iki USB Type-C 3.2 Gen 1 (DisplayPort 1.4 dəstəyi ilə), HDMI çıxışı, microSD kart oxuyucu və 3.5 mm audio jak mövcuddur. Wi-Fi 7 və Bluetooth 5.4 texnologiyaları sayəsində daha sürətli və sabit bağlantı təklif edir.

Əlavə olaraq, noutbuk Dolby Atmos dəstəkləyən stereo hoparlörlər, 1080p IR veb kamera, ikili mikrofon və USB-C vasitəsilə 65W sürətli enerji yığma imkanı olan 60Wh batareya ilə gəlir.

Cihaz Windows 11 Home əməliyyat sistemi ilə çalışır və Microsoft Office Home & Student 2024 paketi ilə birlikdə təqdim olunur.

Moto Book 60 modelləri və qiymətləri:

• Intel Core 5 (16GB RAM + 512GB SSD): 782 dollar
• Intel Core 7 (16GB RAM + 512GB SSD): 876 dollar
• Intel Core 7 (16GB RAM + 1TB SSD): 922 dollar