Xiaomi MIUI 13 interfeysini ilin ilk rübündə alacaq cihazları açıqladı

   Hal-hazırda dünyanın ən çox smartfon satan markası olan Xiaomi öz smartfonlarında MİUİ interfeysini istifadə edir. İndi isə Şirkətin yenilənmiş MİUİ 13 interfeysinin bu ilin ilk rübündə hansı cihazların alacağı rəsmi olaraq açıqlandı.

  Aktiv istifadəçi sayı 500 milyonu keçən MİUİ interfeysinin yeni versiyası MİUİ 13 qlobal olaraq smartfonlar üçün yayımlanmaya başlayıb. Xiaomi şirkəti də ilk rübdə hansı cihazların bu yenilənməni alacağını paylaşıb. Paylaşılan məlumata görə Mi 11 seriyası, Xiaomi 11 seriyası, Redmi Note 11 seriyası, Redmi Note 10 seriyası, Redmi Note 8 (2021), Redmi 10 və Mi Pad 5 cihazları bu yenilənməni alacaq. Həmçinin Xiaomi bildirib ki, regionlara görə MİUİ 13 interfeysinin yayımlanma vaxtı dəyişə bilər. Bundan başqa növbəti aylarda bəzi smartfon modellərinin Android 12 əsaslı MİUİ 13 yenilənməsini də alacağı bildirilir. Google-un ən yeni əməliyyat sistemi bir xeyli təkmilləşdirmə imkanı ilə birliktə gəlir.

  Qeyd edə bilərik ki, Xiaomi tərəfindən keçən ay təqdim olunan MİUİ 13 interfeysi performansa, təhlükəsizliyə və gizliliyə fokuslanaraq hazırlanıb. Ötən ilin Avqust ayında təqdim olunan MİUİ 12.5 interfeysi istifadəçiləri bir xeyli məyus etmişdi. Xiaomi şirkəti il ərzində o qədər yeni smartfon istehsal edir ki, onların optimizasiyası ilə məşğul ola bilmir. Nəticədə smartfonlar yavaşlaylır, performansları azalır. Elə bu səbəbdən MİUİ 12.5 yükləyən bütün istifadəçilər şikayət etməyə başlamışdı. Ümid edirik ki, Xiaomi şirkəti MİUİ 13 ilə smartfonlarını təkrar sürətləndirib optimizasiya edər.