Microsoft şirkətinin Baş Məhsul Direktoru olan Panos Panay Windows 11-in ilk böyük yenilənməsi haqqında bloq postu paylaşdı. Prosesin planlandığından daha tez reallaşacağını bildirən Panos Panay yenilənmənin önizləmə versiyasının gələn ay təqdim ediləcəyini bildirib.

       2021-in ortalarında gözlənilmədən təqdim edilən Windows 11 ötən oktyabr ayında istifadəçilərə verilməyə başlandı. Artıq milyonlarla istifadəçi tərəfindən istifadə edilən əməliyyat sistemi üçün hələki böyük yenilənmə paketi yayımlanmayıb. Lakin indi, gözlənilən yenilənmə paketi ilə bağlı məlumatlar paylaşılıb. Beləki Microsoft şirkəti yeni qərarına əsasən artıq il ərzində Windows 11 üçün sadəcə bir böyük yenilənmə paketi yayımlayacaq. Qeyd edək ki, əvvəl Windows 10 əməliyyat sistemi üçün bu ildə 2 dəfə edilirdi.

     Panos Panay bildirib ki, gələn aydan etibarən istifadəçilər Windows 11-də Android tətbiqlərini istifadə edə biləcəklər. Lakin bu yenilənmə hələki İnsider versiya istifadəçilər üçün keçərli olacaq. Android tətbiqlərini yükləmək üçün Microsoft Store proqramı istifadə ediləcək. Həmçinin istifadəçilər tətbiqləri başqa mənbələrdən .apk formatında yükləyərək də istifadə edə biləcəklər. Bu yenilənmə paketi ilə birliktə yenilənmiş Media Player və Notepad proqramları da istifadəyə veriləcək. Bundan başqa bir çox sistem xətalarının həll ediləcəyi və bəzi yeni funksiyaların gələcəyi də bildirilib. Bu yenilənmə paketinin May – İyun aylarında qlobal olaraq bütün istifadəçilər üçün yayınlanması planlanır. Beləliklə Microsoft şirkəti Windows 11 üçün ilk böyük yenilənmə paketini yayımlamış olacaq.