Köhnə adı Facebook, yeni adı Meta olan şirkət dünyanın ən sürətli superkompüterini təqdim etdi. AI Research SuperCluster adlanan yeni süperkompüter 2022-dən etibarən tam potensialında istifadəyə veriləcək.

         AI Research SuperCluster (RSC) superkompüteri Meta şirkətinin iddialarına görə dünyanın ən sürətlisi olacaq və süni zəka, dərin öyrənmə, maşın öyrənmə kimi texnologiyalar üçün xüsusi olaraq hazırlanıb. Bu məlumatlar Meta şirkətinin CEO-su Mark Zuckerberg tərəfindən açıqlandı. Zuckerberg tərəfindən verilən məlumatlara görə yeni superkompüter bu il ərzində tam işlək vəziyyətdə olacaq. Meta həmçinin RSC ilə Instagram alqoritmasının optimallaşdırmasını və Metaverse üçün proyektlərin hazırlanmasını təmin edəcəklər.

     RSC superkompüterinin gücü hal-hazırda 6080 ədəd videokarta bağlanmış 760 ədəd Nvidia GGX A100 prosessorundan ibarətdir. Bu da xüsusilə maşın öyrənmə texnologiyasında effektivdir. 2022-nin sonlarında isə bu superkompüter 16 000 videokarta malik olacaq. Qeyd edək ki, Microsoft-un superkompüteri 10 000 videokarta malikdir. Bu da onu göstərir ki, Meta şirkətinin superkompüteri daha güclü olacaq. Beləliklə artıq Meta şirkətinə aid sosial media şəbəkələri daha yaxşı alqoritmalar ilə dəstəklənəcək və istifadəçilərə maraq dairələrinə uyğun postlar göstəriləcək.