MediaTek şirkəti Wi-Fi 7 şəbəkəsini təqdim edən ilk şirkət oldu

        Tayvan mərkəzli MediaTek şirkəti dünyada Wi-Fi 7 (IEEE 802.11be) şəbəkəsinin təqdimatını keçirən ilk şirkət oldu. Wi-Fi 7 texnologiyası AR/VR tətbiqlər, bulud oyun sistemi, 8K video yayımlama və daha çoxu üçün ideal hesab edilir.

      MediaTek təqdimat zamanı multi-link operation (MLO) texnologiyasının önəmindən bəhs etdi. Bu texnologiya ilə artıq ötürmə zamanı gecikmələr ciddi bir şəkildə azalacaq. Həmçinin Wi-Fi 7 texnologiyası 2.4 Ghz, 5 Ghz və 6 Ghz tezliklərində işləyə biləcək. Bu texnologiya Wi-Fi 6-a nəzərən 2.4 dəfə daha sürətli məlumat ötürə bilir. Wi-Fi 7 texnologiyasının 2023-cü ildə ümumi istifadəyə verilməsi nəzərdə tutulur.